parafase geguritan dalam bahasa jawa

PARAFASE GEGURITAN

Tuladhane:

Bocah Cilik Kae

Bocah cilik sing nyapu latar kae

(Bocah cilik sing nyapu latar kae)

Sapa ngerti mbesuk tembe thukuk etare

(Sapa ngerti mbesuk bakal tuwuh akale)

Mabur dhuwur nganglang langit numpak mega-mega

(Bisa sukses banget, kaya-kaya mumbul duwur ing langit)

Andom lelana sinambi methaki lintang kartika

(Kebak kaluwihan lan bisa nggayuh pangarepane)

Bocah cilik kae isih bening jiwane

(Bocah cilik kae isih bening jiwane)

Isih suci lemah atine

(isih suci lan lemah atine)

Aja ditanduri jenu utawa senthe

(Aja diwarai bab-bab kang ala)

Aja dibumboni basa utawa krawe

(Aja diwarai basa-basa kang ala)

Bocah cilik kae

(Bocah cilik kae)

Togna menyang ngendi abur jiwane.

(Togna arep neng ngendi kepingin jiwane)

A.    Isine geguritan

·         Bait 1 : Bocah cilik kae sopo sing ngerti mbesuk dadi bocah sing sukses, kebak kaluwihan lan bisa nggayuh pangarepane.

·         Bait 2 : Bocah cilik kae sing isih polos lan isih suci atine, ojo diwarahi bab-bab kang ala lan basa-basa kang ora becik. Bocah cilik kae togna arep neng ngendi kepingin jiwane.

Dadi makna/isi geguritan:

Bocah cilik kae sapa ngerti mbesuk bakal sukses, kebak kaluwihan lan bisa nggayuh pangerepane. Bocah cilik iku aja diwarai apa-apa kang ala lan togna wae miturut karepe.

B.     Tema geguritan

Panguripane bocah cilik kang isih polos.

C.     Parafrase geguritan.

Bocah cilik iku mbesuk bisa tuwuh akale, sahingga bisasukses banget kaya-kaya mumbul duwur ing langit, kebak kaluwihan, lan bisa nggayuh kekarepane. Bocah cilik iku isih suci atine lan bening jiwane. Aja diwarahi bab-bab ala lan basa-basa sing ora becik. Wes togna wae apa seng dikarepne jiwane.

D.    Pesen pengarang marang pamaos (Amanat)

Yen nduwe putra sing isih cilik kudu diwarahi bab-bab kang apik lan basa-basa kang sopan. Ojo dituntut kudu kepriye deweke mbesuk, tapi wong tuwo kudu manut kepriye kepingine putrane. Wong tuwo mung kudu mituturi menawa bocah cilik nglakonake bab-bab kang kliru.

E.     Kaendahan Geguritan.

1.      Majas

·         Hiperbola (Pepindhan seng kliwat/ diluweh-luwehne)

a.       Mabur dhuwur nganglang langit numpak mega-mega.

b.      Togna menyang ngendi abur jiwane.

·         Metafora (pepindhan/diumpamakake)

a.       Andom lelana sinambi methaki lintang kartika.

b.      Aja ditanduri jenu utawa senthe.

c.       Aja dibumboni basa utawa krawe.